Short Years Partnership

ကျွန်ုပ်တို့အကြောင်း

Short Years Partnership သည် အကျိုးအမြတ်မယူသော အဖွဲ့အစည်းဖြစ်ပြီး Warren, Dallas နှင့် Madison စီရင်စုတွင် မိသားစုပံ့ပိုးရေးနှင့် မိဘအုပ်ထိန်းမှု ပညာပေး ဝန်ဆောင်မှုများနှင့် အစီအစဉ်များကို ဆောင်ရွက်ပေးပါသည်။ ကျွန်ုပ်တို့၏ Short Years Partnership အဖွဲ့သည် ကလေးများကို ဘဝတွင် အကောင်းဆုံး စတင်မှု ရရှိနိုင်အောင် ကူညီရန် သန္နိဋ္ဌာန် ချမှတ်ထားပါသည်။ ကျွန်ုပ်တို့၏ အသိုင်းအဝိုင်းမှ မိဘများသည် သူတို့၏သားသမီးများအတွက် အကောင်းဆုံးကို လိုချင်ကြောင်း၊ ကျွန်ုပ်တို့၏ အတွေ့အကြုံအရလည်း မိဘအုပ်ထိန်းမှုသည် တစ်ခါတစ်ရံ အလွန်ပင် ခက်ခဲကြောင်း ကျွန်ုပ်တို့သိရှိထားပါသည်။ ကျွန်ုပ်တို့နှင့် အတူဆောင်ရွက်သော မိသားစုများကို သူတို့၏သားသမီးများ သင်ယူဖွံ့ဖြိုးနိုင်အောင် ကူညီရာတွင် လိုအပ်မည့် သတင်းအချက်အလက်များ၊ နည်းလမ်းများ၊ ပံ့ပိုးမှုများနှင့် ရင်းမြစ်များ ပေးအပ်ရန် ကျွန်ုပ်တို့စိတ်ပါဝင်စားပါသည်။

​

Parents as Teachers အစီအစဉ်

Parents As Teachers (PAT) အစီအစဉ်သည် ကလေးများအတွက် မိဘအသိပညာပေးရေးနှင့် မိသားစုပံ့ပိုးရေး အစီအစဉ်တစ်ခုဖြစ်ပြီး သားသမီးရှိသော မိသားစုများအား ကလေးကိုယ်ဝန်ဆောင်ချိန်မှ သူငယ်တန်းတက်မည့် အရွယ်အထိ ဝန်ဆောင်မှုပေးပါသည်။ PAT ဝန်ဆောင်မှုများကို လက်ရှိတွင် Dallas, Madison နှင့် Warren စီရင်စုများ၌ ရရှိနိုင်ပါသည်။ Parents As Teachers အစီအစဉ်သည် ဝန်ဆောင်မှုပေးသော ဒေသရှိ မွေးကင်းစမှ သူငယ်တန်းတက်မည့် အရွယ်အထိ သားသမီးရှိသည့် မည်သည့်မိသားစုအတွက်မဆို အခမဲ့ ရရှိနိုင်ပါသည်။ 4RKids ငယ်ရွယ်သောကလေးများ Iowa ဒေသ မှ ငွေကြေးထောက်ပံ့ပါသည်။

Parents as Teachers သည် ကလေးတိုင်း၏ ဖြစ်နိုင်ခြေအစွမ်းအစများ ရရှိအောင် ကူညီရန် မိဘများနှင့် ပူးပေါင်းဆောင်ရွက်ပါသည်။ ဤသို့ ဆောင်ရွက်ရာတွင် အောက်ပါတို့ပါဝင်ပါသည်-

​

1)  တစ်ဦးချင်းတွေ့ဆုံမှုများ

တစ်ဦးချင်းတွေ့ဆုံမှုများတွင် မိဘလမ်းညွှန် ဆရာက မိဘနှင့်သားသမီး အတူတကွ ပြုလုပ်ရန်အတွက် ဆောင်ရွက်ချက်များကို ပေးပါမည်။ ဤဆောင်ရွက်ချက်များသည် ပျော်စရာကောင်းပြီး ထိတွေ့ဆက်သွယ်မှုရှိကာ သင့်ကလေး၏ ဖွံ့ဖြိုးတိုးတက်မှုကိုလည်း မြှင့်တင်ပေးပါသည်။ မိဘလမ်းညွှန်ဆရာသည် အသက်အလိုက် သင့်တော်သော ကလေးသူငယ် ဖွံ့ဖြိုးတိုးတက်ရေးနှင့် မိဘအုပ်ထိန်းမှု သတင်းအချက်အလက်များကို မျှဝေပြောပြရန်၊ သင့်ကလေးများကို စောင့်ကြည့်ရေးအတွက် သင့်ကိုတိုက်တွန်းအားပေးရန်နှင့် သင်၏ မိဘအုပ်ထိန်းမှုဆိုင်ရာ စိုးရိမ်မှုများကို ဖြေရှင်းပေးရန်လည်း ဆောင်ရွက်ပေးပါမည်။ တွေ့ဆုံမှုတိုင်းသည် တစ်ခုနှင့်တစ်ခု တူညီမည်မဟုတ်ပါ။ အကြောင်းမှာ သင့်မိသားစု၏ သီးသန့် လိုအပ်ချက်များနှင့် သင်မေးထားသော မေးခွန်းများအတွက် သီးခြားဆောင်ရွက်ပြီး တွေ့ဆုံသောကြောင့် ဖြစ်ပါသည်။

 

2) မိဘများ အဖွဲ့လိုက် ချိတ်ဆက်မှု

ဤအဖွဲ့များသည် မိဘအုပ်ထိန်းမှု ပြဿနာများ၊ ကလေးသူငယ် ဖွံ့ဖြိုးတိုးတက်ရေးနှင့် မိဘ/သားသမီး ဆောင်ရွက်ချက်များအတွက် သတင်းအချက်အလက်များကို မျှဝေပြောပြခွင့် ရရှိစေပါသည်။ ကျွန်ုပ်တို့၏ အချို့အဖွဲ့များသည် မိဘများကို အဓိကအာရုံစိုက်ပြီး မိဘများက အခြားမိဘများနှင့် ချိတ်ဆက်ခွင့် ရရှိအောင် ဆောင်ရွက်ပေးပါသည်။ အချို့အဖွဲ့များမှာ မိဘ/သားသမီးကို အဓိကအာရုံစိုက်ပြီး သင်နှင့် သင့်ကလေးအတွက် အခြားမိသားစုများနှင့် အုပ်စုလိုက်ပုံစံဖြင့် ပျော်စရာ ဆောင်ရွက်မှုများတွင် ပါဝင်ခွင့် ရရှိစေပါသည်။

 

3) ဖွံ့ဖြိုးတိုးတက်မှု စစ်ဆေးခြင်း

ကလေးများသည် ပထမဆုံး ခြေလှမ်းလှမ်းခြင်း သို့မဟုတ် ပထမဆုံး စကားပြောခြင်းကဲ့သို့ ဖွံ့ဖြိုးကြီးထွားမှု ‘အမှတ်လက္ခဏာများ’ ကို တစ်ချိန်တည်းတွင် မရရှိကြပါ။ မိဘများက သူတို့သားသမီး၏ ဖွံ့ဖြိုးတိုးတက်မှုကို စောင့်ကြည့်ရာတွင် တစ်ခါတစ်ရံ စူးစမ်းလိုစိတ် ရှိကြပါသည်။ ဖွံ့ဖြိုးတိုးတက်မှုကို စစ်ဆေးခြင်းသည် သင့်ကလေး၏ အထွေထွေ ဖွံ့ဖြိုးတိုးတက်မှုကို အကဲဖြတ်ပြီး လိုအပ်ပါက ရင်းမြစ်များ သို့မဟုတ် ပံ့ပိုးမှုများ ပေးအပ်ရန်အတွက် အသုံးပြုနိုင်ပါသည်။

​

 

4) ရင်းမြစ်ချိတ်ဆက်မှုကွန်ရက်

ဤအစီအစဉ်သည် သင့်မိသားစုကို အခြားသော အများပြည်သူ ဝန်ဆောင်မှုများ၊ ရင်းမြစ်များနှင့်လည်း သင့်မိသားစု၏ လိုအပ်ချက်ပေါ် မူတည်၍ ချိတ်ဆက်ပေးပါသည်။

PAT ၏ ပံ့ပိုးမှုများကို သင်နှင့် သင့်သားသမီးက ရသင့်ရထိုက်ပါသည်။ သင့်ကလေးကို ဘဝတွင် အကောင်းဆုံး စတင်ခွင့် ပေးလိုက်ပါ။ PAT စာရင်းသွင်းရန် လျှောက်လွှာကို ဖြည့်ပြီး အီးမေးလ်ပို့ရန် ဒီမှာ ဝင်ကြည့်ပါ။

 

​